«Наполи» аъзоси Жованни Ди Лоренцо тиззасидан олган жароҳатидан сўнг тикланиш жараёнини давом эттирмоқда. Футболчи Италия терма жамоасидаги шериклари Маттиа Дзакканьи ва Гульельмо Викарио билан биргаликда Шимолий Ирландияга қарши ўтиш босқичининг ярим финал учрашувида иштирок этди.

Ўйинчининг агенти Марио Жуффреди ўз мижози реабилитация жараёни давом этаётгани сабабли Зеницадаги сафар ўйинини ўтказиб юборишини таъкидлади.

«У Боснияга боради деб ўйламайман, чунки у муолажа олмоқда. Пайшанба куни Бергамода бўлиш учун у катта фидойилик кўрсатди. У муолажалардан сўнг кундузи йўлга чиқиб, эртаси куни эрталаб соат 6 да Неаполга қайтиб келди», — дея унинг сўзларидан иқтибос келтиради Stile TV.

«У терапия кунларини қолдирадиган ҳолатда эмас, чунки соғайишга яқин турибди. Унинг қайтишига келсак, умид қиламанки, апрель ойининг охирги ҳафтаси уни яна майдонда кўришимиз учун мос вақт бўлади», — деб қайд этди агент.

Италия ва Босния ўртасидаги учрашув 31 март куни бўлиб ўтади. Ғолиб жамоа Жаҳон чемпионатига йўл олади.