«Atalanta» safida to‘p surayotgan braziliyalik yarim himoyachi Edersonda Angliya Premyer-ligasida o‘ynash varianti paydo bo‘ldi. Bu haqda insayder Rudi Galetti ijtimoiy tarmoqlar orqali xabar bermoqda.
Manbaning ma’lumotlariga ko‘ra, «Manchester Yunayted» futbolchini o‘z safiga qo‘shib olmoqchi. «Qizil iblislar» 26 yoshli ijrochining ehtimoliy transferi bo‘yicha ma’lumot so‘rashgan.
Edersonning bozor qiymati 40 million yevroga baholanmoqda. Braziliyalik futbolchining bergamoliklar bilan amaldagi shartnomasi kelasi yilning yozida nihoyasiga yetadi.
Joriy mavsumda yarim himoyachi 33 ta uchrashuvda maydonga tushib, o‘z hisobiga ikkita gol va bitta golli uzatmani yozdirib qo‘ydi.
