«Аталанта» сафида тўп сураётган бразилиялик ярим ҳимоячи Эдерсонда Англия Премьер-лигасида ўйнаш варианти пайдо бўлди. Бу ҳақда инсайдер Руди Галетти ижтимоий тармоқлар орқали хабар бермоқда.
Манбанинг маълумотларига кўра, «Манчестер Юнайтед» футболчини ўз сафига қўшиб олмоқчи. «Қизил иблислар» 26 ёшли ижрочининг эҳтимолий трансфери бўйича маълумот сўрашган.
Эдерсоннинг бозор қиймати 40 миллион еврога баҳоланмоқда. Бразилиялик футболчининг бергамоликлар билан амалдаги шартномаси келаси йилнинг ёзида ниҳоясига етади.
Жорий мавсумда ярим ҳимоячи 33 та учрашувда майдонга тушиб, ўз ҳисобига иккита гол ва битта голли узатмани ёздириб қўйди.
