Yarim himoyachi Dani Sebalyos shu yozda «Real»ni tark etishi mumkin.

Marca nashrining ma’lumotlariga ko‘ra, «Betis» xavbek bilan shartnoma imzolashga qiziqish bildirmoqda. Sevilya jamoasi 29 yoshli futbolchini o‘z safiga qo‘shib olish borasidagi kurashda peshqadamlik qilmoqda.

Dani Sebalyos «Betis» tarbiyalanuvchisi hisoblanadi. U 2017 yilda 16 million yevro evaziga «Real»ga o‘tgan edi. Uning Madrid klubi bilan shartnomasi 2027 yil 30 iyungacha mo‘ljallangan. Joriy mavsumda yarim himoyachi «qaymoqranglilar» safida barcha turnirlarda 22 ta o‘yinda maydonga tushdi, biroq samarali harakatlarni amalga oshira olmadi. Transfermarkt portali Sebalyosning qiymatini 8 million yevroga baholamoqda.