Ярим ҳимоячи Дани Себальос шу ёзда «Реал»ни тарк этиши мумкин.
Marca нашрининг маълумотларига кўра, «Бетис» хавбек билан шартнома имзолашга қизиқиш билдирмоқда. Севилья жамоаси 29 ёшли футболчини ўз сафига қўшиб олиш борасидаги курашда пешқадамлик қилмоқда.
Дани Себальос «Бетис» тарбияланувчиси ҳисобланади. У 2017 йилда 16 миллион евро эвазига «Реал»га ўтган эди. Унинг Мадрид клуби билан шартномаси 2027 йил 30 июнгача мўлжалланган. Жорий мавсумда ярим ҳимоячи «қаймоқранглилар» сафида барча турнирларда 22 та ўйинда майдонга тушди, бироқ самарали ҳаракатларни амалга ошира олмади. Transfermarkt портали Себальоснинг қийматини 8 миллион еврога баҳоламоқда.
