«Manchester Siti»ning hujumkor yarim himoyachisi Bernardu Silva joriy mavsum yakunlanganidan keyin jamoani tark etadi.

Jurnalist Mark Brusning xabar berishicha, futbolchi shartnoma muddati tugaydigan shu yilning yozida «Manchester Siti»dan ketishga qaror qilgan. Mish-mishlarga ishonilsa, 31 yoshli xavbek o‘z qarori haqida klub rahbariyatini allaqachon xabardor qilgan.

Silva 2017 yildan beri «shaharliklar» sharafini himoya qilib kelmoqda. Joriy mavsumda u barcha turnirlar doirasida 42 ta uchrashuvda maydonga tushib, 3 ta gol urdi va 5 ta golli uzatmani o‘z hisobiga yozdirib qo‘ydi.

Transfermarkt portali ma’lumotlariga ko‘ra, Silvaning bozor qiymati 27 million yevroni tashkil etadi.