«Манчестер Сити»нинг ҳужумкор ярим ҳимоячиси Бернарду Силва жорий мавсум якунланганидан кейин жамоани тарк этади.
Журналист Марк Бруснинг хабар беришича, футболчи шартнома муддати тугайдиган шу йилнинг ёзида «Манчестер Сити»дан кетишга қарор қилган. Миш-мишларга ишонилса, 31 ёшли хавбек ўз қарори ҳақида клуб раҳбариятини аллақачон хабардор қилган.
Силва 2017 йилдан бери «шаҳарликлар» шарафини ҳимоя қилиб келмоқда. Жорий мавсумда у барча турнирлар доирасида 42 та учрашувда майдонга тушиб, 3 та гол урди ва 5 та голли узатмани ўз ҳисобига ёздириб қўйди.
Transfermarkt портали маълумотларига кўра, Силванинг бозор қиймати 27 миллион еврони ташкил этади.
