Ruminiya terma jamoasi bosh murabbiyi Mircha Luchesku milliy jamoa mashg‘uloti paytida hushidan ketdi. GSP nashrining Ruminiya futbol federasiyasidagi manbalariga tayanib xabar berishicha, 80 yoshli mutaxassisda yurak xuruji yuz bergan. Unga zudlik bilan tibbiy yordam ko‘rsatilgan.
Ruminiya terma jamoasi matbuot xizmatining ma’lumotiga ko‘ra, hozirda Lucheskuning holati barqarorlashgan, u shifoxonada va ko‘rikdan o‘tmoqda.
Eslatib o‘tamiz, ruminlar JCH-2026 saralashining o‘tish o‘yinida Turkiya terma jamoasiga imkoniyatni boy berib (0:1), turnir yo‘llanmasidan mahrum bo‘lishgan edi.
31 mart kuni Luchesku shogirdlari Slovakiya terma jamoasiga qarshi o‘rtoqlik uchrashuvida maydonga tushishadi.
