Taniqli portugaliyalik mutaxassis, "Benfika" bosh murabbiyi Joze Mourinyu Krishtianu Ronalduning Portugaliya terma jamoasi uchun ahamiyatini ta’kidladi.

Mourinyuning fikricha, "An-Nasr" hujumchisi bo‘lgan 41 yoshli Ronalduning jarohati Portugaliyaning Meksikaga qarshi o‘rtoqlik uchrashuvida (0:0) g‘alaba qozona olmasligining asosiy omillaridan biri bo‘ldi.

«Krishtianu Ronalduni olib tashlang — Portugaliya terma jamoasi har qanday oddiy jamoadek ko‘rinadi. Odamlar doim uni chaqirmaslikni so‘rashadi. Mana, bu safar u o‘ynamadi va natijani ko‘rdingiz. Biz tomondan hech qanday xavf, ular tomondan esa hech qanday qo‘rquv yo‘q edi. Aksincha, Meksika bosimi ostida qolgan jamoani ko‘rdik.

Ronaldu maydonda bo‘lganda, raqib ikki marta o‘ylab ko‘radi. U bo‘lmasa, umuman o‘ylab ham o‘tirmaydi», — deya Mourinyudan iqtibos keltiradi Goal.