"Nyukasl Yunayted" klubi UEFAning moliyaviy qoidalarini buzgani uchun jazolanishi mumkin. Bu haqda The Times nashri xabar bermoqda.

Manbaning ma’lumotiga ko‘ra, klub "Sent-Jeyms Park" stadionini ijaraga berish huquqini sho‘’ba korxonasiga sotishdan olingan foydadan foydalana olmaydi. "Qarg‘alar" moliyaviy hisobotlarga ko‘ra, stadion va unga tutash yerlarni ijaraga berish huquqini sotishdan 133,1 million funt sterling miqdorida foyda ko‘rgan.

Qayd etilishicha, APL klublarga foyda va barqaror rivojlanish qoidalariga rioya qilishda yordam berish uchun aktivlarni sho‘’ba korxonalariga sotishni foyda sifatida deklarasiya qilishga ruxsat beradi. Biroq, UEFA bu masalada qattiqqo‘lroq yondashuvga ega va o‘tgan yili xuddi shunday qoidabuzarlik uchun "Chelsi"ni (27 million funt sterling) va "Aston Villa"ni (11 million funt sterling) jarimaga tortgan edi. Tashkilot ayollar jamoalarini aloqador kompaniyalarga sotishni daromad sifatida ko‘rsatishga ruxsat bermagan.

Aniqlik kiritilishicha, "Nyukasl"ning moliyaviy holati va jamoaning Chempionlar ligasiga yo‘llanma olishi dargumonligi klubni yetakchi futbolchilarini sotishga majbur qilishi mumkin.