«Barselona»ning yuqori darajali futbolchisi faoliyatini Angliyada davom ettirishi mumkin. Mundo Deportivo nashri bergan xabarga ko‘ra, «Liverpul», «Chelsi» va «Manchester Siti» klublari himoyachi Jyul Kundega qiziqish bildirmoqda.
«Barselona» rahbariyati 27 yoshli Kunde borasida yirik taklif tushsa, uning transferini ko‘rib chiqishga tayyor.
Eslatib o‘tamiz, 2022 yilda matbuotda Kundening «Chelsi»ga o‘tishi faol muhokama qilingan, biroq o‘shanda fransiyalik futbolchi «Barselona»ni tanlagan edi.
Nufuzli Transfermarkt portali Jyul Kundening bozor qiymatini 65 million yevroga baholamoqda.
2025/2026 yilgi mavsumda Kunde 40 ta o‘yinda maydonga tushdi. Ushbu bahslarda fransiyalik futbolchi uchta gol urdi va sheriklariga to‘rtta golli uzatmani amalga oshirdi.
