«Барселона»нинг юқори даражали футболчиси фаолиятини Англияда давом эттириши мумкин. Mundo Deportivo нашри берган хабарга кўра, «Ливерпуль», «Челси» ва «Манчестер Сити» клублари ҳимоячи Жюль Кундега қизиқиш билдирмоқда.
«Барселона» раҳбарияти 27 ёшли Кунде борасида йирик таклиф тушса, унинг трансферини кўриб чиқишга тайёр.
Эслатиб ўтамиз, 2022 йилда матбуотда Кунденинг «Челси»га ўтиши фаол муҳокама қилинган, бироқ ўшанда франциялик футболчи «Барселона»ни танлаган эди.
Нуфузли Transfermarkt портали Жюль Кунденинг бозор қийматини 65 миллион еврога баҳоламоқда.
2025/2026 йилги мавсумда Кунде 40 та ўйинда майдонга тушди. Ушбу баҳсларда франциялик футболчи учта гол урди ва шерикларига тўртта голли узатмани амалга оширди.
