«Kristal Pelas» yarim himoyachisi Adam Uorton faoliyatini Ispaniyada davom ettirishi mumkin.

Daily Mail nashri bergan ma’lumotlarga ko‘ra, ingliz futbolchisini o‘z safiga qo‘shib olishga «Real Madrid» qiziqish bildirmoqda. Madrid klubi xavbekning so‘nggi o‘yinlaridagi harakatlarini kuzatish uchun o‘z skautlarini yuborgan. Uorton «qaymoqranglilar»ning yarim himoya chizig‘ini kuchaytirish uchun tuzilgan short-listida «Manchester Siti» a’zosi Rodri va «Chelsi» vakili Enso Fernandesdan keyin uchinchi o‘rinni egallab turibdi.

Adam Uorton 2024 yilda «Blekbern»dan «Kristal Pelas»ga 21 million yevro evaziga o‘tgan edi. Uning amaldagi shartnomasi 2029 yilning 30 iyuniga qadar mo‘ljallangan. Joriy mavsumda yarim himoyachi barcha turnirlarda 41 ta o‘yinda maydonga tushib, o‘z hisobiga 7 ta golli uzatmani yozib qo‘ydi.