«Кристал Пэлас» ярим ҳимоячиси Адам Уортон фаолиятини Испанияда давом эттириши мумкин.
Daily Mail нашри берган маълумотларга кўра, инглиз футболчисини ўз сафига қўшиб олишга «Реал Мадрид» қизиқиш билдирмоқда. Мадрид клуби хавбекнинг сўнгги ўйинларидаги ҳаракатларини кузатиш учун ўз скаутларини юборган. Уортон «қаймоқранглилар»нинг ярим ҳимоя чизиғини кучайтириш учун тузилган шорт-листида «Манчестер Сити» аъзоси Родри ва «Челси» вакили Энцо Фернандесдан кейин учинчи ўринни эгаллаб турибди.
Адам Уортон 2024 йилда «Блэкберн»дан «Кристал Пэлас»га 21 миллион евро эвазига ўтган эди. Унинг амалдаги шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи барча турнирларда 41 та ўйинда майдонга тушиб, ўз ҳисобига 7 та голли узатмани ёзиб қўйди.
