«Real» vingeri Vinisius Junior Braziliya terma jamoasining Xorvatiyaga qarshi kechgan o‘rtoqlik uchrashuvida (3:1) gol ura olmadi.

Shunga qaramay, 25 yoshli futbolchi golli uzatmani o‘z hisobiga yozib qo‘ydi. Birinchi bo‘limga qo‘shib berilgan vaqtda u to‘p bilan jarima maydonchasiga kirib bordi va chiroyli tarzda burilib, bir yo‘la uchta raqibni ojiz qoldirdi. Shundan so‘ng Daniloga to‘pni yetkazib berdi va u hech qanday qarshiliksiz darvozani aniq nishonga oldi.

Vinisius 67-daqiqada zaxiraga olindi. Uning terma jamoadagi golsiz seriyasi 5 ta o‘yinga yetdi — u oxirgi marta shu yilning oktyabr oyida Janubiy Koreyaga qarshi o‘rtoqlik uchrashuvida (5:0) raqib darvozasini ishg‘ol qilgan edi.

Vinisius Braziliya terma jamoasi safida faoliyati davomida jami 47 ta o‘yinda maydonga tushib, 8 ta gol urishga muvaffaq bo‘lgan.