«Реал» вингери Винисиус Жуниор Бразилия терма жамоасининг Хорватияга қарши кечган ўртоқлик учрашувида (3:1) гол ура олмади.

Шунга қарамай, 25 ёшли футболчи голли узатмани ўз ҳисобига ёзиб қўйди. Биринчи бўлимга қўшиб берилган вақтда у тўп билан жарима майдончасига кириб борди ва чиройли тарзда бурилиб, бир йўла учта рақибни ожиз қолдирди. Шундан сўнг Данилога тўпни етказиб берди ва у ҳеч қандай қаршиликсиз дарвозани аниқ нишонга олди.

Винисиус 67-дақиқада захирага олинди. Унинг терма жамоадаги голсиз серияси 5 та ўйинга етди — у охирги марта шу йилнинг октябрь ойида Жанубий Кореяга қарши ўртоқлик учрашувида (5:0) рақиб дарвозасини ишғол қилган эди.

Винисиус Бразилия терма жамоаси сафида фаолияти давомида жами 47 та ўйинда майдонга тушиб, 8 та гол уришга муваффақ бўлган.