Portugaliya milliy terma jamoasi bosh murabbiyi Roberto Martines o‘tkazilgan yig‘in yakunlarini sarhisob qildi.
Portugaliyaliklar bo‘lajak mundial mezbonlari — Meksika va AQSH terma jamoalariga qarshi bahs olib borishdi. Birinchi o‘yinda golsiz durang qayd etilgan bo‘lsa, ikkinchi uchrashuvda 2:0 hisobida g‘alaba qozonildi.
«Ushbu yig‘in doirasida oldimizga qo‘yilgan barcha maqsadlarga erishganimizdan xursandman. Bunday vaziyatda natija hal qiluvchi ahamiyatga ega emas — yangi yechimlar topish va turli taktik variantlarni sinab ko‘rish ancha muhimroq. Erishgan natijalarimizdan mamnunman», — dedi Martines AQSH ustidan qozonilgan g‘alabadan so‘ng jurnalistlar bilan suhbatda.
Eslatib o‘tamiz, JCH-2026 guruh bosqichida Portugaliyaning raqiblari Kongo DR, O‘zbekiston va Kolumbiya terma jamoalari bo‘ladi.
