Португалия миллий терма жамоаси бош мураббийи Роберто Мартинес ўтказилган йиғин якунларини сарҳисоб қилди.
Португалияликлар бўлажак мундиал мезбонлари — Мексика ва АҚШ терма жамоаларига қарши баҳс олиб боришди. Биринчи ўйинда голсиз дуранг қайд этилган бўлса, иккинчи учрашувда 2:0 ҳисобида ғалаба қозонилди.
«Ушбу йиғин доирасида олдимизга қўйилган барча мақсадларга эришганимиздан хурсандман. Бундай вазиятда натижа ҳал қилувчи аҳамиятга эга эмас — янги ечимлар топиш ва турли тактик вариантларни синаб кўриш анча муҳимроқ. Эришган натижаларимиздан мамнунман», — деди Мартинес АҚШ устидан қозонилган ғалабадан сўнг журналистлар билан суҳбатда.
Эслатиб ўтамиз, ЖЧ-2026 гуруҳ босқичида Португалиянинг рақиблари Конго ДР, Ўзбекистон ва Колумбия терма жамоалари бўлади.
