«Barselona»ning sobiq himoyachisi Jerar Pike murabbiylik faoliyatini boshlash niyati yo‘qligini tan oldi.
Ispaniyalik sobiq futbolchi 2022 yilning oxirida butsalarini mixga ilgan edi.
«O‘zimni hech qachon murabbiy sifatida tasavvur qilmaganman. Bu kasbda siz haddan tashqari oshirilgan "ego"lar, doimiy mashg‘ulotlar va safarlar bilan shug‘ullanishingizga to‘g‘ri keladi — bularning barchasi men uchun emas. Faoliyatimni yakunlaganimdan so‘ng, futbol ishlaridan biroz uzoqlashishni istagandim va yaqin kelajakda bu vaziyat o‘zgaradi deb o‘ylamayman», — deya kataloniyalik grand sobiq a’zosining so‘zlarini keltirmoqda MatchDay Central.
Jerar Pike «Barselona» safida 600 dan ortiq o‘yin o‘tkazgan bo‘lib, jamoa tarkibida to‘qqiz karra Ispaniya chempioni va to‘rt karra Chempionlar ligasi g‘olibiga aylangan.
