Daniya terma jamoasi bosh murabbiyi Brayan Rimer o‘z jamoasining JCH-2026 ga chiqa olmagani borasida fikr bildirdi. Hal qiluvchi o‘tish o‘yinida daniyaliklar Chexiyaga imkoniyatni boy berishdi. Uchrashuvning asosiy vaqti 2:2 hisobidagi durang bilan yakunlandi. Penaltilar seriyasida esa chexlar 3:1 hisobida ustun kelishdi.
Rimer Daniya terma jamoasi qattiq tushkunlikda ekanini ta’kidladi. Mundial yo‘llanmasidan quruq qolganlik uchun javobgarlik futbolchilar va murabbiylar shtabi zimmasida ekanini aytdi.
«Biz barchamiz — futbolchilar ham, butun mamlakatimiz ham orzu qilgan asosiy sovg‘ani, ya’ni jahon chempionatini daniyaliklarga taqdim eta olmaganimizdan, albatta, hafsalamiz pir bo‘ldi. Javobgarlik bizning zimmamizda. Aynan biz muvaffaqiyatsizlikka uchradik va jamoani jahon birinchiligiga olib chiqa olmadik», — deya Rimerning so‘zlarini keltirmoqda UYEFA rasmiy sayti.
