Дания терма жамоаси бош мураббийи Брайан Ример ўз жамоасининг ЖЧ-2026 га чиқа олмагани борасида фикр билдирди. Ҳал қилувчи ўтиш ўйинида данияликлар Чехияга имкониятни бой беришди. Учрашувнинг асосий вақти 2:2 ҳисобидаги дуранг билан якунланди. Пенальтилар сериясида эса чехлар 3:1 ҳисобида устун келишди.
Ример Дания терма жамоаси қаттиқ тушкунликда эканини таъкидлади. Мундиал йўлланмасидан қуруқ қолганлик учун жавобгарлик футболчилар ва мураббийлар штаби зиммасида эканини айтди.
«Биз барчамиз — футболчилар ҳам, бутун мамлакатимиз ҳам орзу қилган асосий совғани, яъни жаҳон чемпионатини данияликларга тақдим эта олмаганимиздан, албатта, ҳафсаламиз пир бўлди. Жавобгарлик бизнинг зиммамизда. Айнан биз муваффақиятсизликка учрадик ва жамоани жаҳон биринчилигига олиб чиқа олмадик», — дея Римернинг сўзларини келтирмоқда УЕФА расмий сайти.
