«Bavariya» hujumchisi Xarri Keyn «Barselona»ning qiziqishlar doirasiga tushdi. Bu haqda Football Time nashri xabar bermoqda.

Manba bergan ma’lumotlarga ko‘ra, «ko‘k-anorranglilar» Myunxen klubiga o‘zaro futbolchi almashishni taklif qilish niyatida. «Barselona» «Bavariya»ga Keynni yarim himoyachi Frenki de Yongga almashtirishni taklif qilmoqda.

Joriy mavsumda Xarri Keyn 40 ta o‘yinda maydonga tushib, 48 ta gol urdi va 5 ta golli uzatmani amalga oshirdi. Uning «Bavariya» bilan amaldagi shartnomasi 2027 yilning yoziga qadar mo‘ljallangan.