Yarim himoyachi Mario Gyotse Frankfurtning «Ayntraxt» klubi bilan 2028 yilning iyuniga qadar mo‘ljallangan yangi shartnoma imzoladi. Bu haqda Bundesliga rasmiy sayti xabar bermoqda.
"Ayntraxt" men uchun juda ko‘p narsani anglatadi. Men bu yerda qariyb to‘rt yildan beri to‘p suryapman va vaqtimni ajoyib o‘tkazyapman», — dedi PSVdan kelib qo‘shilgan 33 yoshli Gyotse.
Gyotse «Ayntraxt» safida barcha turnirlarda jami 148 ta o‘yinda maydonga tushib, 12 ta gol urdi va 18 ta golli uzatmani amalga oshirdi. Avvalroq u «Bavariya» va Dortmundning «Borussiya» klublarida to‘p surgan, shuningdek, Germaniya terma jamoasi tarkibida jahon chempioni bo‘lgan edi.
Transfermarkt portali futbolchining bozor qiymatini 4,5 million yevroga baholamoqda.
