Ярим ҳимоячи Марио Гётце Франкфуртнинг «Айнтрахт» клуби билан 2028 йилнинг июнига қадар мўлжалланган янги шартнома имзолади. Бу ҳақда Бундеслига расмий сайти хабар бермоқда.

"Айнтрахт" мен учун жуда кўп нарсани англатади. Мен бу ерда қарийб тўрт йилдан бери тўп суряпман ва вақтимни ажойиб ўтказяпман», — деди ПСВдан келиб қўшилган 33 ёшли Гётце.

Гётце «Айнтрахт» сафида барча турнирларда жами 148 та ўйинда майдонга тушиб, 12 та гол урди ва 18 та голли узатмани амалга оширди. Аввалроқ у «Бавария» ва Дортмунднинг «Боруссия» клубларида тўп сурган, шунингдек, Германия терма жамоаси таркибида жаҳон чемпиони бўлган эди.

Transfermarkt портали футболчининг бозор қийматини 4,5 миллион еврога баҳоламоқда.