«Manchester Siti» bosh murabbiyi Xosep Gvardiola klubdan ketishni rejalashtirmoqda. Ispaniyalik mutaxassis joriy mavsum yakunida bosh murabbiylik lavozimini tark etishi haqida klubning barcha xodimlariga ma’lum qilgan, deya xabar bermoqda MatchDay Central. Hozircha rasmiy bayonot berilmagan bo‘lsa-da, yaqin orada bu ma’lumot tasdiqlanishi kutilmoqda.
«Shaharliklar» boshqaruvida Xosep Gvardiolaning o‘rnini bosish uchun asosiy nomzod sifatida hamon Enso Mareska ko‘rilmoqda. Italiyalik mutaxassis shu yilning yanvar oyi boshida «Chelsi»dan ketganidan beri ishsiz yuribdi.
Gvardiola 2016 yilning yozidan buyon «Manchester Siti»ni boshqarib kelmoqda. Uning amaldagi shartnomasi 2026/27 yilgi mavsum yakuniga qadar mo‘ljallangan edi.













