«Манчестер Сити» бош мураббийи Хосеп Гвардиола клубдан кетишни режалаштирмоқда. Испаниялик мутахассис жорий мавсум якунида бош мураббийлик лавозимини тарк этиши ҳақида клубнинг барча ходимларига маълум қилган, дея хабар бермоқда MatchDay Central. Ҳозирча расмий баёнот берилмаган бўлса-да, яқин орада бу маълумот тасдиқланиши кутилмоқда.
«Шаҳарликлар» бошқарувида Хосеп Гвардиоланинг ўрнини босиш учун асосий номзод сифатида ҳамон Энцо Мареска кўрилмоқда. Италиялик мутахассис шу йилнинг январь ойи бошида «Челси»дан кетганидан бери ишсиз юрибди.
Гвардиола 2016 йилнинг ёзидан буён «Манчестер Сити»ни бошқариб келмоқда. Унинг амалдаги шартномаси 2026/27 йилги мавсум якунига қадар мўлжалланган эди.
