«Барселона» спорт бўйича вице-президенти Рафаэль Юсте каталонияликлар ҳужумчиси Ламин Ямаль 2026 йилги «Олтин тўп» мукофотини қўлга киритишга муносиб эканини таъкидлади.

«Ямаль — бутун дунё ёшларига катта умид бағишлаётган ёш йигит. Унинг истеъдоди бу ёшда шунчалик ақлбовар қилмас даражадаки, бундай футболчини кўп йиллардан бери кўрмаганман.

Шунинг учун адолат қарор топишига ва у муносиб равишда “Олтин тўп”ни қўлга киритишини чин дилдан истайман. Оддий қилиб айтганда, у бутун дунёдаги кўплаб ўғил-қизларга, шунингдек, футболни севувчи бизга бахт улашмоқда.

Адолат қарор топиши керак. У қандай инсон экани ва кўплаб одамларни бахтли қилаётгани учун барчасига муносиб», — дея Юстенинг сўзларини Sport.es нашри келтирган.