«Barselona» sport bo‘yicha vise-prezidenti Rafael Yuste kataloniyaliklar hujumchisi Lamin Yamal 2026 yilgi «Oltin to‘p» mukofotini qo‘lga kiritishga munosib ekanini ta’kidladi.

«Yamal — butun dunyo yoshlariga katta umid bag‘ishlayotgan yosh yigit. Uning iste’dodi bu yoshda shunchalik aqlbovar qilmas darajadaki, bunday futbolchini ko‘p yillardan beri ko‘rmaganman.

Shuning uchun adolat qaror topishiga va u munosib ravishda “Oltin to‘p”ni qo‘lga kiritishini chin dildan istayman. Oddiy qilib aytganda, u butun dunyodagi ko‘plab o‘g‘il-qizlarga, shuningdek, futbolni sevuvchi bizga baxt ulashmoqda.

Adolat qaror topishi kerak. U qanday inson ekani va ko‘plab odamlarni baxtli qilayotgani uchun barchasiga munosib», — deya Yustening so‘zlarini Sport.es nashri keltirgan.