«Lion» klubining sobiq posboni Paskal Olmeta fransiyalik darvozabon Lyuka Shevalye rossiyalik Matvey Safonov bilan raqobatda boy bergani sababli «PSJ»dan ketishi kerak, deb hisoblaydi.
«Agar hech narsa o‘zgarmasa, Shevalye klubni tark etishi lozim. Senga ishonishmaydigan joyda qolishdan nima naf? Ha, Shevalye ba’zida xatolarga yo‘l qo‘ydi, lekin unga yana bir imkoniyat berish kerak edi», — deya Olmetaning so‘zlarini keltiradi Made in Parisien nashri.
Joriy mavsumda Shevalye Parij grandi tarkibida 26 ta uchrashuvda ishtirok etib, o‘z darvozasidan 28 ta to‘p olib chiqdi. Darvozabonning mehnat shartnomasi 2030 yilning o‘rtalariga qadar mo‘ljallangan. Uning bozor qiymati 30 million yevroga baholanmoqda.
