«Лион» клубининг собиқ посбони Паскаль Ольмета франциялик дарвозабон Люка Шевалье россиялик Матвей Сафонов билан рақобатда бой бергани сабабли «ПСЖ»дан кетиши керак, деб ҳисоблайди.
«Агар ҳеч нарса ўзгармаса, Шевалье клубни тарк этиши лозим. Сенга ишонишмайдиган жойда қолишдан нима наф? Ҳа, Шевалье баъзида хатоларга йўл қўйди, лекин унга яна бир имконият бериш керак эди», — дея Ольметанинг сўзларини келтиради Made in Parisien нашри.
Жорий мавсумда Шевалье Париж гранди таркибида 26 та учрашувда иштирок этиб, ўз дарвозасидан 28 та тўп олиб чиқди. Дарвозабоннинг меҳнат шартномаси 2030 йилнинг ўрталарига қадар мўлжалланган. Унинг бозор қиймати 30 миллион еврога баҳоланмоқда.
