Londonning «Chelsi» klubi sobiq hujumchisi Didye Drogba Ispaniya terma jamoasi va Kataloniyaning «Barselona» klubi 18 yoshli hujumkor yarim himoyachisi Lamin Yamalni qo‘llab-quvvatlab chiqdi.
«O‘z madaniyating va kim ekanliging bilan faxrlanishing kerak. Har doim», — deya afrikalik afsona Yamalning ijtimoiy tarmoqdagi posti ostida izoh qoldirgan.
Avvalroq, Lamin Ispaniya va Misr terma jamoalari o‘rtasidagi nazorat uchrashuvidan (0:0) so‘ng bayonot bilan chiqqan edi. O‘z murojaatida yulduz futbolchi «qizil furiya» muxlislarining musulmonlar haqidagi haqoratli hayqiriqlarini qoralagan.
Yamalning «Barselona» bilan shartnomasi 2031 yilning iyun oyi oxirigacha mo‘ljallangan. Uning bozor qiymati 200 million yevroni tashkil etadi.
