Лондоннинг «Челси» клуби собиқ ҳужумчиси Дидье Дрогба Испания терма жамоаси ва Каталониянинг «Барселона» клуби 18 ёшли ҳужумкор ярим ҳимоячиси Ламин Ямални қўллаб-қувватлаб чиқди.
«Ўз маданиятинг ва ким эканлигинг билан фахрланишинг керак. Ҳар доим», — дея африкалик афсона Ямалнинг ижтимоий тармоқдаги пости остида изоҳ қолдирган.
Аввалроқ, Ламин Испания ва Миср терма жамоалари ўртасидаги назорат учрашувидан (0:0) сўнг баёнот билан чиққан эди. Ўз мурожаатида юлдуз футболчи «қизил фурия» мухлисларининг мусулмонлар ҳақидаги ҳақоратли ҳайқириқларини қоралаган.
Ямалнинг «Барселона» билан шартномаси 2031 йилнинг июнь ойи охиригача мўлжалланган. Унинг бозор қиймати 200 миллион еврони ташкил этади.
