«Inter Mayami» hujumchisi Lionel Messi jamoaning to‘liq mashg‘ulotini o‘tkazmadi. Jurnalist Xose Armandoning ijtimoiy tarmoqlarda xabar berishicha, Messi boshqa futbolchilar bilan birgalikda mini-o‘yinlarda ishtirok etishdan bosh tortgan.

Yaqin vaqt ichida «Inter Mayami» bosh murabbiyi Xavyer Maskerano Messi nima sababdan mashg‘ulotni oxirigacha yetkazmaganiga oydinlik kiritishi kerak. Ehtimol, Leo terma jamoadan qaytganidan so‘ng shunchaki yuklamani kamaytirishi lozim bo‘lgandir.

Shuningdek, mashg‘ulot yakunida Messi «Inter Mayami» rahbarlaridan biri — Xorxe Mas bilan suhbatlashgan.

Hozirda «Inter Mayami» MLS Sharqiy konferensiyasi turnir jadvalida uchinchi o‘rinni egallab turibdi.