«Интер Майами» ҳужумчиси Лионель Месси жамоанинг тўлиқ машғулотини ўтказмади. Журналист Хосе Армандонинг ижтимоий тармоқларда хабар беришича, Месси бошқа футболчилар билан биргаликда мини-ўйинларда иштирок этишдан бош тортган.
Яқин вақт ичида «Интер Майами» бош мураббийи Хавьер Маскерано Месси нима сабабдан машғулотни охиригача етказмаганига ойдинлик киритиши керак. Эҳтимол, Лео терма жамоадан қайтганидан сўнг шунчаки юкламани камайтириши лозим бўлгандир.
Шунингдек, машғулот якунида Месси «Интер Майами» раҳбарларидан бири — Хорхе Мас билан суҳбатлашган.
Ҳозирда «Интер Майами» МЛС Шарқий конференцияси турнир жадвалида учинчи ўринни эгаллаб турибди.
