«Roma» klubi «Zalsburg» vingeri Kerim Alaybegovichga jiddiy qiziqish bildirmoqda. 18 yoshli iste’dod egasi Bosniya va Gersegovina terma jamoasining JCH-2026 saralash bosqichidagi hal qiluvchi o‘yinda Italiya ustidan qozonilgan g‘alabasida muhim rol o‘ynadi.
Futbolchining «Roma»ga o‘tishi uchun jamoa afsonasi Miralem Pyanich asosiy sababchi bo‘lishi mumkin. U yosh futbolchiga shaxsan «jallorossi»ni tanlashni maslahat bergan. Corriere dello Sport nashrining ma’lumotlariga ko‘ra, futbolchini «Vulverxempton» skautlari ham kuzatib borishmoqda.
Ushbu transfer haqiqatga aylanishi uchun «Roma» ancha ter to‘kishiga to‘g‘ri keladi. Gap shundaki, Leverkuzenning «Bayer» klubi «Zalsburg» futbolchisini qayta sotib olish bo‘yicha imtiyozli huquqqa ega. Futbolchi Bundesligaga 18-20 million yevro evaziga yo‘l olishi mumkin.
