«Рома» клуби «Зальцбург» вингери Керим Алайбеговичга жиддий қизиқиш билдирмоқда. 18 ёшли истеъдод эгаси Босния ва Герцеговина терма жамоасининг ЖЧ-2026 саралаш босқичидаги ҳал қилувчи ўйинда Италия устидан қозонилган ғалабасида муҳим рол ўйнади.
Футболчининг «Рома»га ўтиши учун жамоа афсонаси Миралем Пьянич асосий сабабчи бўлиши мумкин. У ёш футболчига шахсан «жаллоросси»ни танлашни маслаҳат берган. Corriere dello Sport нашрининг маълумотларига кўра, футболчини «Вулверхэмптон» скаутлари ҳам кузатиб боришмоқда.
Ушбу трансфер ҳақиқатга айланиши учун «Рома» анча тер тўкишига тўғри келади. Гап шундаки, Леверкузеннинг «Байер» клуби «Зальцбург» футболчисини қайта сотиб олиш бўйича имтиёзли ҳуқуққа эга. Футболчи Бундеслигага 18-20 миллион евро эвазига йўл олиши мумкин.
