Madridning «Atletiko» klubi hujumchi Xulian Alvares bilan amaldagi shartnomani uzaytirishdan umid qilmoqda.
26 yoshli futbolchiga «Barselona» da’vogarlik qilmoqda, biroq «matraschilar» rahbariyati o‘z yulduzini jamoada olib qolishda qat’iy qarorga kelgan. Jurnalist Matteo Morettoning ma’lumotlariga ko‘ra, Madrid klubi Alvaresning agenti bilan shartnomani uzaytirish bo‘yicha muzokaralarni boshlagan. Agar hujumchi rozilik bersa, uning maoshi sezilarli darajada oshiriladi.
Xulian Alvaresning «Atletiko» bilan ayni damdagi kelishuvi 2030 yilgacha mo‘ljallangan. «Barselona» esa argentinalik futbolchiga qiziqish bildirishda davom etmoqda va agar u hozirgi klubi bilan yangi bitim tuzishdan bosh tortsa, uni o‘z tomoniga og‘dirib olishga harakat qiladi.
