«Manchester Siti» yarim himoyachisi Bernardu Silva «Barselona»ga o‘tishi mumkin.
Portugaliyalik futbolchining amaldagi shartnomasi shu yozda yakuniga yetadi va ko‘rinishidan, u uzaytirilmaydi. The Sun jurnalisti Martin Blekbernning ma’lumotiga ko‘ra, ayni damda «shaharliklar» sardori uchun kurashda Kataloniya grandi peshqadamlik qilmoqda. 31 yoshli futbolchi vataniga yaqinroq joyga ko‘chib o‘tishni istamoqda va «Barsa» varianti uni to‘liq qoniqtiradi. «Ko‘k-anorranglilar» bosh murabbiyi Xans-Diter Flik tajribali xavbek uning jamoasiga katta yordam beradi deb hisoblamoqda.
Bernardu Silvaga shuningdek, «Yuventus», «PSJ» va Turkiya chempionati vakillaridan ham qiziqish borligi aytilgan edi. Eslatib o‘tamiz, futbolchi 2017 yildan beri «Manchester Siti» sharafini himoya qilib kelmoqda.
