«Chelsi» yarim himoyachisi Enso Fernandes Madridning «Real» klubi uchun transfer maqsadi bo‘lib turibdi.

Ko‘plab mish-mishlarga ko‘ra, argentinalik futbolchining o‘zi «qirollik klubi»ga o‘tishni istamoqda va yaqinda bunga ishora ham qilib o‘tdi. Guardian nashrining ma’lumotlariga ko‘ra, «Chelsi»da hamma ham yarim himoyachining o‘yinidan hayratda emas: ba’zilar uning ketishi jamoa uchun falokat bo‘lmasligini ta’kidlamoqda. Shunga qaramay, londonliklar 25 yoshli o‘yinchi uchun katta miqdorda mablag‘ talab qilishadi. «Real» esa so‘ralayotgan 100 million funt sterling (taxminan 115 million yevro) miqdoridagi mablag‘ni to‘lash niyatida emas.

Enso Fernandesning «Chelsi» bilan shartnomasi 2032 yilning o‘rtalarigacha mo‘ljallangan. Transfermarkt portali futbolchining qiymatini 90 million yevroga baholamoqda.