Irlandiya terma jamoasi va «Manchester Yunayted» klubining sobiq yulduzi Roy Kin Angliya terma jamoasi bosh murabbiyi Tomas Tuxelning tarkib borasidagi qarorlaridan biriga munosabat bildirdi.

Kin himoyachi Trent Aleksander-Arnoldning Madridning «Real» klubidagi ajoyib sport formasiga qaramay, hatto 35 kishilik kengaytirilgan ro‘yxatga ham kiritilmaganini g‘alati deb hisoblaydi. Bir necha kun avval Gari Lineker ta’kidlaganidek, Kin ham buning sababi futbol bilan bog‘liq emasligini taxmin qildi.

«Bu yerda qandaydir shaxsiy yoki ichki sabab bo‘lishi kerak», — deya Kinning so‘zlarini keltiradi Football 365.

Shuningdek, Kin yuz bergan voqea uchun mas’uliyatning bir qismi, har qanday holatda ham, futbolchining o‘zida ekanligini ta’kidlab o‘tdi.