Ирландия терма жамоаси ва «Манчестер Юнайтед» клубининг собиқ юлдузи Рой Кин Англия терма жамоаси бош мураббийи Томас Тухелнинг таркиб борасидаги қарорларидан бирига муносабат билдирди.
Кин ҳимоячи Трент Александер-Арнольднинг Мадриднинг «Реал» клубидаги ажойиб спорт формасига қарамай, ҳатто 35 кишилик кенгайтирилган рўйхатга ҳам киритилмаганини ғалати деб ҳисоблайди. Бир неча кун аввал Гари Линекер таъкидлаганидек, Кин ҳам бунинг сабаби футбол билан боғлиқ эмаслигини тахмин қилди.
«Бу ерда қандайдир шахсий ёки ички сабаб бўлиши керак», — дея Киннинг сўзларини келтиради Football 365.
Шунингдек, Кин юз берган воқеа учун масъулиятнинг бир қисми, ҳар қандай ҳолатда ҳам, футболчининг ўзида эканлигини таъкидлаб ўтди.
