«Atletiko» bosh murabbiyi Diyego Simeone Barselonada bo‘lib o‘tgan Ispaniya va Misr terma jamoalari o‘rtasidagi o‘yinda (0:0) yangragan «Kimki sakramasa, u musulmon» qabilidagi hayqiriqlar haqida o‘z fikrini bildirdi.
«Bu ijtimoiy va global muammo bo‘lib, u faqat Ispaniya, Argentina yoki Braziliyagagina xos emas.
Bu so‘nggi yillarda yo‘qotilgan hurmat masalasidir — ilgari ota-onamizga, o‘qituvchilarga, polisiyaga, klub direktorlariga, murabbiylarga nisbatan bo‘lgan hurmat... Bugungi kunda u yo‘qolgan, bizda u endi yo‘q.
Barchamiz ishonch, Xudoga bo‘lgan e’tiqod zarurligini anglagan holda ishlashimiz kerak. Vaziyatni yaxshilashning yo‘li ham ana shu ishonchdir”, – dedi Simeone matbuot anjumanida.
