«Атлетико» бош мураббийи Диего Симеоне Барселонада бўлиб ўтган Испания ва Миср терма жамоалари ўртасидаги ўйинда (0:0) янграган «Кимки сакрамаса, у мусулмон» қабилидаги ҳайқириқлар ҳақида ўз фикрини билдирди.
«Бу ижтимоий ва глобал муаммо бўлиб, у фақат Испания, Аргентина ёки Бразилиягагина хос эмас.
Бу сўнгги йилларда йўқотилган ҳурмат масаласидир — илгари ота-онамизга, ўқитувчиларга, полицияга, клуб директорларига, мураббийларга нисбатан бўлган ҳурмат... Бугунги кунда у йўқолган, бизда у энди йўқ.
Барчамиз ишонч, Худога бўлган эътиқод зарурлигини англаган ҳолда ишлашимиз керак. Вазиятни яхшилашнинг йўли ҳам ана шу ишончдир”, – деди Симеоне матбуот анжуманида.
