«Santos» hujumchisi Neymar «Remo»ga qarshi kechgan bahsda (2:0) hakam Savio Pereyra Sampayoning qarorlaridan noroziligini bildirdi.

Braziliyalik yulduz ushbu o‘yinda sariq kartochka oldi, natijada ogohlantirishlar soni ko‘payib ketgani sababli «Flamengo»ga qarshi navbatdagi muhim o‘yinni o‘tkazib yuboradigan bo‘ldi.

«Bu sariq kartochka adolatsizlikdir. O‘yin oxirida menga nisbatan hech qanday zaruratsiz juda qo‘pol o‘ynashdi. Bu birinchi marta emas — uchinchi yoki to‘rtinchi holat edi. Men e’tiroz bildirish uchun bordim va sariq kartochka oldim», — dedi Neymar.

Neymar o‘z nutqida «de chico» iborasini qo‘llagan bo‘lib, bu ma’no jihatdan «iflos» so‘ziga yaqin tushuniladi.