«Сантос» ҳужумчиси Неймар «Ремо»га қарши кечган баҳсда (2:0) ҳакам Савио Перейра Сампайонинг қарорларидан норозилигини билдирди.
Бразилиялик юлдуз ушбу ўйинда сариқ карточка олди, натижада огоҳлантиришлар сони кўпайиб кетгани сабабли «Фламенго»га қарши навбатдаги муҳим ўйинни ўтказиб юборадиган бўлди.
«Бу сариқ карточка адолатсизликдир. Ўйин охирида менга нисбатан ҳеч қандай заруратсиз жуда қўпол ўйнашди. Бу биринчи марта эмас — учинчи ёки тўртинчи ҳолат эди. Мен эътироз билдириш учун бордим ва сариқ карточка олдим», — деди Неймар.
Неймар ўз нутқида «de chico» иборасини қўллаган бўлиб, бу маъно жиҳатдан «ифлос» сўзига яқин тушунилади.
