«Napoli» klubining markaziy hujumchisi Romelu Lukaku A Seriyaning 32-turidan o‘rin olgan «Parma»ga qarshi o‘yindan (12 aprel) so‘ng Italiya klubi ixtiyoriga qaytadi. Bu haqda Sky Italia xabar bermoqda.

Eslatib o‘tamiz, yaqinda belgiyalik futbolchi Belgiya milliy terma jamoasi ixtiyorini tark etgan va «Napoli» rahbariyatining ruxsatisiz o‘z vatanida yakka tartibda mashg‘ulot o‘tkazgan edi.

Shu bilan birga, klub hujumchiga nisbatan sanksiyalar tayyorlamoqda — Lukakuga jarima va asosiy jamoadan chetlatilish xavf solmoqda.

Joriy mavsumda 32 yoshli hujumchi barcha turnirlarda yettita uchrashuvda maydonga tushib, bitta gol urdi. Uning Neapol klubi bilan shartnomasi 2027 yilning iyun oyida yakuniga etadi.