«Наполи» клубининг марказий ҳужумчиси Ромелу Лукаку А Сериянинг 32-туридан ўрин олган «Парма»га қарши ўйиндан (12 апрель) сўнг Италия клуби ихтиёрига қайтади. Бу ҳақда Sky Italia хабар бермоқда.
Эслатиб ўтамиз, яқинда бельгиялик футболчи Бельгия миллий терма жамоаси ихтиёрини тарк этган ва «Наполи» раҳбариятининг рухсатисиз ўз ватанида якка тартибда машғулот ўтказган эди.
Шу билан бирга, клуб ҳужумчига нисбатан санкциялар тайёрламоқда — Лукакуга жарима ва асосий жамоадан четлатилиш хавф солмоқда.
Жорий мавсумда 32 ёшли ҳужумчи барча турнирларда еттита учрашувда майдонга тушиб, битта гол урди. Унинг Неаполь клуби билан шартномаси 2027 йилнинг июнь ойида якунига этади.
