Angliya Kubogining 1/4 finalida «Manchester Siti»ning «Liverpul» ustidan qozongan g‘alabasi (4:0) klub uchun ushbu turnir doirasidagi o‘z maydonida ketma-ket 18-g‘alaba bo‘ldi. Bu «Siti»ga qariyb 150 yil davomida saqlanib kelgan yangi rekordni o‘rnatish imkonini berdi. Bu haqda ESPN xabar bermoqda.
Bundan avvalgi rekord 1873 yilning dekabridan 1881 yilning fevraligacha davom etgan bo‘lib, o‘shanda «Klepxem Rovers» o‘z maydonida ketma-ket 17 ta o‘yinda g‘alaba qozongan edi (ushbu klub 1914 yilda tarqatib yuborilgan).
Shuningdek, ushbu g‘alaba «Manchester Siti»ga ketma-ket sakkizinchi bor turnir yarim finaliga chiqish imkonini berdi va bu boradagi o‘z rekordini yangiladi. «Siti» 2018 yilda «Uigan»ga yutqazganidan beri Angliya Kubogida safar o‘yinlarida mag‘lubiyat nimaligini bilmay kelmoqda.
Agar jamoa joriy mavsumda yana bir g‘alabaga erishsa, tarixda ketma-ket to‘rt marta Angliya Kubogi finaliga chiqqan ilk jamoaga aylanadi.
