Англия Кубогининг 1/4 финалида «Манчестер Сити»нинг «Ливерпуль» устидан қозонган ғалабаси (4:0) клуб учун ушбу турнир доирасидаги ўз майдонида кетма-кет 18-ғалаба бўлди. Бу «Сити»га қарийб 150 йил давомида сақланиб келган янги рекордни ўрнатиш имконини берди. Бу ҳақда ESPN хабар бермоқда.

Бундан аввалги рекорд 1873 йилнинг декабридан 1881 йилнинг февралигача давом этган бўлиб, ўшанда «Клэпхэм Роверс» ўз майдонида кетма-кет 17 та ўйинда ғалаба қозонган эди (ушбу клуб 1914 йилда тарқатиб юборилган).

Шунингдек, ушбу ғалаба «Манчестер Сити»га кетма-кет саккизинчи бор турнир ярим финалига чиқиш имконини берди ва бу борадаги ўз рекордини янгилади. «Сити» 2018 йилда «Уиган»га ютқазганидан бери Англия Кубогида сафар ўйинларида мағлубият нималигини билмай келмоқда.

Агар жамоа жорий мавсумда яна бир ғалабага эришса, тарихда кетма-кет тўрт марта Англия Кубоги финалига чиққан илк жамоага айланади.