«Arsenal»ning sobiq futbolchisi Patrik Viyeyra Angliya Kubogi chorak finalida «kanonirlar»ning «Sautgempton»ga imkoniyatni boy berganiga o‘z munosabatini bildirdi. Kecha, 4 aprel kuni London klubi «avliyolar»ga 1:2 hisobida mag‘lub bo‘ldi.
«Liga Kubogi finalida «Manchester Siti»dan uchralgan mag‘lubiyatni tushunish mumkin. Ular tajribali va siz bilan bir xil darajadagi jamoa. Lekin sizni dunyoning eng yaxshi jamoasi deb atashayotgan bir paytda, «Sautgempton»ga yutqazish — bu qabul qilib bo‘lmas holat», — deya Viyeyraning so‘zlarini keltirmoqda Arsenal News.
Eslatib o‘tamiz, «Arsenal» avvalroq Liga Kubogi finalida «Manchester Siti»ga 2:0 hisobida imkoniyatni boy bergan edi. Hozirda London klubi ikkita asosiy sovrin — Chempionlar Ligasi va Angliya chempionati uchun kurashni davom ettirmoqda.
